باقات بأي شكل
باقات بالوقت (من دقايق لشهور) أو بحجم الداتا أو بالسرعة أو بأكتر من شرط مع بعض، وكل باقة بسعرها.
StarSoft Radius
سيستم كروت واي فاي متكامل للكافيهات والمحلات وشبكات الواي فاي
حوّل الإنترنت اللي عندك لمصدر دخل: اعمل باقات بالوقت أو بالداتا أو بالسرعة، اطبع كروت باسم محلك وبيعها، والزبون يدخل من صفحة دخول بشعارك. كل ده من لوحة تحكم سحابية بالعربي تفتحها من الموبايل أو الكمبيوتر.
يعني إيه سيستم كروت واي فاي؟
بدل ما تدي الباسورد للكل… كل زبون ياخد كارت
سيستم كروت الواي فاي (ويتسمى كمان سيستم راديوس أو هوتسبوت) هو نظام بيخليك تبيع الإنترنت بالكارت: كل كارت عليه رقم، ومعاه مدة أو حجم داتا أو سرعة محددة. الزبون يتصل بالشبكة، تظهرله صفحة دخول، يكتب رقم الكارت، ويشتغل لحد ما الكارت يخلص.
StarSoft Radius بيعمل الكلام ده بالكامل من السحابة: مش محتاج سيرفر عندك ولا خبرة شبكات. الراوتر بيتربط بالسيستم عن طريق نفق مشفّر، وإنت بتدير كل حاجة من لوحة التحكم — الباقات، الكروت، المتصلين، الكاشير، والتقارير.
إزاي بيشتغل؟
أربع خطوات وتبدأ تبيع كروت
- 1
تجهيز الراوتر
راوتر ميكروتيك أو راوتر OpenWrt بيتربط بالسيستم بأمر تسطيب واحد من لوحة التحكم، أو بنجهزهولك إحنا.
- 2
اعمل الباقات
حدد لكل باقة المدة (دقايق، ساعات، أيام، أسابيع، شهور) وحجم الداتا وسرعة التحميل والرفع والسعر.
- 3
اطبع وبيع
اطبع الكروت على طابعة عادية أو حرارية بتصميم باسم محلك، أو بيعها من شاشة الكاشير كارت كارت.
- 4
الزبون يتصل
الزبون يفتح الواي فاي، تظهرله صفحة دخول بشعارك، يكتب رقم الكارت ويشتغل فوراً — وانت شايف كل حاجة لحظياً.
المميزات
كل اللي محتاجه عشان تبيع إنترنت باحتراف
مش مجرد برنامج يطلّع أرقام كروت — ده نظام إدارة كامل للشبكة والمبيعات.
طباعة الكروت
طباعة مئات الكروت مرة واحدة بتصميم عليه اسم محلك ورقمك، مع اختيار عدد أرقام الكارت (6 أو 8 أو 10).
كاشير وورديات
بيع الكروت من شاشة الكاشير، فتح وقفل ورديات، ومرتجع للكروت اللي ما اتستخدمتش — مع صلاحيات منفصلة لكل موظف.
مراقبة المتصلين
شوف كل جهاز متصل دلوقتي: رقم الكارت، اسم الجهاز، الاستهلاك تحميل ورفع، والوقت المتبقي.
جهاز واحد لكل كارت
الكارت بيتربط بأول جهاز يستخدمه، فمحدش يقدر يدّي الكارت لغيره ويشتغلوا عليه في نفس الوقت.
دخول تلقائي
الزبون اللي كارته لسه شغال يرجع يتصل لوحده من غير ما يكتب الرقم تاني (على راوترات OpenWrt).
أكتر من أكسس
أدر كل نقاط الواي فاي من لوحة واحدة، ومع إمكانية التجوال: الكارت يشتغل على كل أكسسات نفس المالك.
حجب وفلترة
قوائم حجب للمواقع وفلترة محتوى على مستوى الشبكة، تفعّلها من اللوحة.
صفحة دخول باسمك
صفحة الدخول بشعار المحل وألوانه ورقم الواتساب، وممكن تعرض عليها منيو أو إعلان.
تقارير وأرباح
تقارير المبيعات والورديات والأرباح، والاستهلاك الشهري لكل أكسس، والباقات الأكثر بيعاً.
كافيه ومطبخ
لو عندك كافيه أو صالة ألعاب: منتجات ومخزون وطلبات ترابيزات ومطبخ في نفس النظام.
أمان
ربط الراوترات بنفق WireGuard مشفّر، وصلاحيات منفصلة، ونسخ احتياطي تلقائي للبيانات.
الأجهزة
يشتغل مع ميكروتيك و OpenWrt
MikroTik (RouterOS)
Hotspot ميكروتيك متربط بسيرفر RADIUS بتاعنا: الكروت والسرعات وحدود الداتا بتتطبق من السيستم، والكارت لما يخلص وقته أو الداتا بتاعته بيتفصل. مناسب لو عندك ميكروتيك شغال وعايز تبطّل يوزر مانجر.
OpenWrt (أي راوتر بيدعمه)
بوابة دخول (Captive Portal) على الراوتر نفسه مع دخول تلقائي للأجهزة اللي كارتها شغال، وتحديث وإدارة الراوتر عن بُعد من اللوحة.
مناسب لمين؟
لأي مكان عايز يبيع إنترنت
- الكافيهات والمطاعم
- السايبر وصالات البلايستيشن
- سكن الطلبة والمباني السكنية
- شبكات الشوارع والقرى (مشروع شبكة واي فاي)
- المحلات ومراكز الخدمة
- الفنادق والاستراحات
مقارنة
سيستم سحابي ولا يوزر مانجر على الراوتر؟
| StarSoft Radius (سحابي) | يوزر مانجر / كروت على الراوتر | |
|---|---|---|
| لوحة التحكم | عربي، من الموبايل أو الكمبيوتر من أي مكان | Winbox أو صفحة الراوتر |
| أكتر من راوتر | كله من لوحة واحدة | كل راوتر لوحده |
| الكاشير والورديات والتقارير | موجودة | غير موجودة |
| لو الراوتر اتعمله Reset | الكروت والبيانات محفوظة على السيرفر | ممكن تضيع |
| كارت لجهاز واحد | تلقائي | محتاج إعدادات يدوي |
أسئلة شائعة
أسئلة بتتسأل كتير عن سيستم كروت الواي فاي
محتاج سيرفر أو كمبيوتر شغال طول الوقت؟
لأ. السيستم سحابي على سيرفراتنا، والراوتر هو اللي بيتصل بيه. إنت بتفتح لوحة التحكم من أي موبايل أو كمبيوتر.
السيستم بيشتغل مع ميكروتيك؟
أيوه، بيشتغل مع ميكروتيك هوتسبوت عن طريق RADIUS، وكمان مع الراوترات اللي عليها OpenWrt.
ينفع أعمل باقات بالدقيقة أو بالجيجا؟
أيوه. الباقة ممكن تكون بالدقايق أو الساعات أو الأيام أو الأسابيع أو الشهور، أو بحجم داتا بالميجا أو الجيجا، مع تحديد سرعة التحميل والرفع.
الزبون يقدر يدي الكارت لحد تاني؟
الكارت بيتربط بأول جهاز يستخدمه، فمينفعش يشتغل على جهازين في نفس الوقت.
إزاي أطبع الكروت؟
من لوحة التحكم تختار الباقة والعدد، والسيستم يطلّع الكروت جاهزة للطباعة باسم محلك على طابعة عادية أو حرارية، أو تبيعها كارت كارت من شاشة الكاشير.
لو النت فصل عند الزبون يرجع يدخل إزاي؟
لو كارته لسه شغال بيرجع يدخل بنفس الكارت، وعلى راوترات OpenWrt بيدخل تلقائي من غير ما يكتب الرقم.
ينفع أكتر من موظف يبيع الكروت؟
أيوه، كل موظف بحساب وصلاحيات منفصلة (كاشير، مدير، وغيرهم)، وكل وردية ليها تقريرها.
الأسعار كام؟
خطط الأسعار موجودة في صفحة الاشتراك حسب بلدك، ولو حابب عرض خاص كلمنا على واتساب.
جاهز تبدأ تبيع كروت واي فاي؟
كلمنا وهنساعدك تختار الراوتر المناسب ونجهز السيستم معاك.